पाल्पा । जिल्ला सदरमुकाम तानसेनबाट तिनाउ गाउँपालिकाको चिदीस तर्फ गइरहेको जिप दुर्घटना हुँदा कम्तिमा ७ जनाको मृत्यु भएको छ भने ८ जना घाइते भएका छन ।
चिदिस जाँदै गरेको लु १ ज २३७१ नम्बरको जिप डुम्रे र चिदिसको बीच भागमा दुर्घटना भएको हो ।
प्रहरीका अनुसार मृतक र घाइतेको पहिचान खुलिसकेको छैन । उद्धारमा खटिएका दिनेश घिमिरेका अनुसार घटनास्थलमा प्रहरी चौकी प्रभासको टोली र स्थानीयको सहयोगमा घाइतेहरुलाई लुम्बिनी मेडिकल कलेज प्रभासमा लगिएको छ ।
मृत्यु तथा घाइते हुनेहरु स्थानीय चिदिस गाउका रहेको वताइएको छ । प्रहरीले घटनाको विस्तृत अध्ययन भैरहेको र अन्य विवरण आउन बाँकी रहेको जनाएको छ । घटना दिउसो साढे ४ वजेतिर भएको हो ।
दुर्घटना स्थल सिदार्थ राजमार्गको भित्री सडकमा पर्दछ । जीप सडकबाट तल खसेको छ ।
