![](https://khabarpostonline.com/wp-content/uploads/2024/06/mechi-udhyog.gif)
झापा । प्रहरी प्रधान कार्यालयले एकैपटक ७८ जना प्रहरी उपरीक्षकको सरुवा गरेको छ । कार्यालयले फागुन १ गते उनीहरुको सरुवा गरेको हो ।
एसपीहरुको सरुवा भएसँगै धेरै जिल्लाका प्रहरी प्रमुखहरु फेरिएका छन् । जिल्ला प्रहरी कार्यालय झापाका प्रमुखको रुपमा कार्यरत दुर्गाराज रेग्मीको बागमती प्रदेश प्रहरी कार्यालय हेटौँडा सरुवा भएको छ भने काठमाण्डौ उपत्यका अपराध अनुसन्धान कार्यालयबाट मिलन केसी झापा आउने भएका छन् ।
‘क’ श्रेणी मानिएको झापामा केसी र बसुन्धरा खड्काको चर्चा चलेपनि खड्कालाई जिल्ला प्रहरी कार्यालय काभ्रेपलाञ्चोक पठाइएको छ ।
सन्तोष आचार्य जिल्ला प्रहरी कार्यालय सिरहा, कृष्णप्रसाद कोइरालालाई नेपाल प्रहरी पहरा गण सामाखुशी, कुमोध ढुंगेल जिल्ला प्रहरी कार्यालय पर्सा, रंजितसिंह राठौरलाई जिल्ला प्रहरी कार्यालय रुपन्देही पठाइएको छ ।
आकर्षक जिल्लाहरुमा आफू निकटलाई लैजाने नेताहरुको हानाथापका कारण उनीहरुको सरुवामा ढिलाई भएको थियो ।
![](https://khabarpostonline.com/wp-content/uploads/2024/01/khabarad-1.gif)