![](https://khabarpostonline.com/wp-content/uploads/2024/06/mechi-udhyog.gif)
काठमाडौं । त्रिकोणात्मक टी-ट्वेन्टी सिरिजको चौथो खेलमा नेपाल विजयी भएको छ । पहिलो खेलमा नामिबियासँग २० रनले पराजित भएको नेपालले आजको रोमाञ्चक खेलमा नामिबियालाई ३ रनले पराजित गरेको हो ।
![](https://khabarpostonline.com/wp-content/uploads/2024/03/fixture-1-1024x846-1.jpeg)
टीयू क्रिकेट मैदानमा टस हारेर पहिलो ब्याटिङ गरेको नेपालले ८ विकेटको क्षतिमा १ सय ८० रन बनाएको थियो । १ सय ८१ रनको लक्ष्य पच्छ्याएको नामिबियाले निर्धारित २० ओभरमा ७ विकेट गुमाई १ सय ७७ रन मात्र बनाउन सक्यो । नेपालका लागि करण केसी, दीपेन्द्रसिंह ऐरी र सोमपाल काकीले नामिबियाका २-२ विकेट लिए ।
३ परिवर्तनसहित मैदान उत्रिएको नेपालले ओपनर आसिफ शेख दोस्रो ओभरमा १ रन बनाएर बेन शिकोन्गोको सिकार भए । कप्तान रोहित पौडेललाई ज्याक ब्रासेलले १० रनमा पेवलियन फर्काए । ज्
याक ब्रासेलले यसै खेलमार्फत् टी-२० आई डेब्यू गरेका हुन् । जन निकोल लोफ्टी-इटनले अनिल साहलाई २३ रनमा आउट गर्दा नेपालले ७ ओभरमा ३ विकेट गुमाएर ५८ रन बनाएको थियो ।
लगतै गुल्सन झा पनि २६ रन बनाएर बर्नार्ड स्कोल्ट्जको एलबीडब्यू धरापमा परे । पाचौँ विकेटका लागि आरिफ शेख र कुशल मल्लले ८५ रनको साझेदारी गर्दै नेपालको इनिङ्स सम्हाले ।
आरिफ ३१ रन बनाएर जान फ्रिलिन्कको बलमा क्याच आउट भए । दिपेन्द्रसिंह ऐरी १६, करण केसी ७ र सामपाल कामी २ रनमा बाहिरिए । कुशल मल्लले सर्वाधिक ५५ रनको अविजित अर्धशतकिय इनिङ्स खेले ।
![](https://khabarpostonline.com/wp-content/uploads/2024/03/mechi-udhyog.gif)