– होमराज राई,
मेचीनगर । ‘बेचबिखनका प्रत्येक पीडितसम्म पुगौं, कसैलाई न्यायबाट बञ्चित नगरौं’ भन्ने नारासहित आज अन्तर्राष्ट्रिय मानव बेचबिखन विरुद्धको दिवस काँकरभिट्टा नाकामा दिप प्रज्वलन कार्यक्रम गरी सम्पन्न भएको छ ।
नाराले बेचबिखन पीडितले भोग्ने शोषणको अन्त्य र उद्धारपछिको पुनःस्थापनाको सुनिश्चितता र बेचबिखनको जोखिममा रहेका समूहको संरक्षणको सन्देश दिएको छ । सामान्यतया प्रलोभनमा पारी, झुक्याई, डरत्रास देखाई कुनै पनि व्यक्तिलाई उसको इच्छाविपरीत कुनै न कुनैरूपमा शोषण गर्ने वा नाफा कमाउने उद्देश्यले जबर्जस्ती कुनै पनि कार्य गर्न बाध्य तुल्याइने अवस्थालाई नै मानव बेचबिखन भन्ने गरिन्छ ।
यो दिवस मानव बेचबिखन उन्मूलन गर्न सचेतना जगाउने र त्यसका लागि विश्वव्यापी प्रतिबद्धतालाई सुढृढ गर्न महत्त्वपूर्ण रहेकाले प्रहरी कार्यालय काँकरभिट्टा,माइती नेपाल,बिश्व सेवा बिस्तार संस्था,साहसी महिला नेपाल,सानोहातहरु नेपाल, आफन्त नेपाल,मेची सामुदायीक सेवा केन्द,शक्ति समूह र नेपालका लागि आवज नामक संस्थाहरुको संयूक्त आयोजनामा काँकरभिट्टा नाकामा दिप प्रज्वलनगरी कार्यक्रम गरिएको हो ।
कार्यक्रममा वडा अध्यक्ष ललितबहादुर तामाङले आफ्नो मन्तव्य राख्दै भन्नुभयो, पूर्वको प्रवेशद्धारमा मानव बेचबिखन जस्ता जघन्य अपराध कार्यलाई नियन्त्रण गर्ने उद्देश्यले रातदिन लागिपर्नु भएकाले कयौ चेलीहरुको उद्धार भएको पाइन्छ । र अझ मानव बेचबिखन जस्ता कृयाकलापलाई निरुत्साहित पार्न हामी लागि परेका छौं ।
संयुक्त राष्ट्रसंघका अनुसार विश्वव्यापी संकट, द्वन्द्व र जलवायु आपतकालले मानव बेचबिखनको जोखिम बढिरहेको छ । विस्थापन र सामाजिक आर्थिक असमानताले असर परेका लाखौं मानिस मानव बेचबिखनका तस्करको चपेटामा परेका छन् । गरीबी, बेरोजगारी, शिक्षा र स्वास्थ्यमा पहुँच नभएका, भेदभाव, हिंसा, दुव्र्यवहारमा परेका व्यक्ति एवं सीमान्तकृत समुदाय मानव तस्करको नजरमा पर्ने गरेका छन् ।
यो दिवस मानव बेचबिखन उन्मूलन गर्न सचेतना जगाउने र विश्वव्यापी प्रतिबद्धतालाई सुढृढ गर्न काँकरभिट्टा नाकामा दिप प्रज्वलन सम्पन्न कार्यक्रममा सानाहातहरु नेपालका अध्यक्ष रमेश गुरुङले सञ्चालन गर्नुभएको थियो ।
