![](https://khabarpostonline.com/wp-content/uploads/2024/06/mechi-udhyog.gif)
मेचीनगर । मेचीनगरलाई कर्मथलो बनाएर पत्रकारिता गरिरहेका पत्रकार लक्ष्मी उप्रेतीले (सिस्नो)ले स्वेच्छिक रुपमा नेपाल पत्रकार महासंघको साधारण सदस्यता त्यागेको घोषणा गरेकाछन् ।
आफ्नोा (फेसबुक)सामाजिक संजालमा उप्रेतीले लेखेकाछन् ।
२०५८ सालको अन्त्यतिर फाट्टफुट्ट लेख्दै गर्दा २०५९ साल बैशाख २१ गते सम्पन्न आधारभूत पत्रकारिता प्रशिक्षणमा सहभागी भएपछि, लेख्ने कर्मलाई निरन्तरता दिन थाले । लेख्ने कर्मले निरन्तरता पाउँदैँ गर्दा २०६१ साल मंसिर १० गते नेपाल पत्रकार महासंघको सदस्य प्राप्त गरे । मेरो सदस्यता नम्वर ६० हो ।
नेपाल पत्रकार महासंघ झापा शाखाको २०७० साल फागुन ५ गते सम्पन्न निर्वाचनमा महासंघको विधान २०६० को दफा १४ तथा निर्वाचन निर्देशिका २०६४ को दोस्रो संशोधन २०७० बमोजिम म सभासदमा निर्वाचित भए । मैले समयमै आफ्नो दस्तुर बुझाएर नेपाल पत्रकार महासंघको सदस्यता नविकरण गर्ने गरेको छु । २०८० साल सम्म मेरो सदस्यता कायम छ ।
पत्रकारिताको आधारभूतदेखि प्रो( एक्टिभ न्यूज रिपोर्टिङ सम्मका करिब आधा दर्जन पत्रकारिता सम्बन्धि तालिम प्राप्त गरेको छु ।
विगतदेखि बर्तमानसम्म आईपुग्दा विवेचना राष्ट्रिय दैनिकको समाचारदातादेखि व्यवस्थापक, प्रमुख सम्वाददाता र सहायक सम्पादक , काठमाडौंबाट प्रकाशित रूपरेखा साप्ताहिकको झापा सम्वाददाता, झापाबाट प्रकाशित पूर्वाञ्चल, पूर्वसन्देश प्रतिदिन दैनिक जन संसद् दैनिकको जिम्मेवारी ठाउँमा रहेर भूमिका तथा धरानबाट प्रकाशित ओैजार राष्ट्रिय दैनिकको मेचीनगर सम्वाददाता दमकको सप्तरंगी एफएम १०१।६ मेगाहर्जको समाचार शाखामा र मेचीनगरबाट प्रशारण भईरहेको एफएम मेची ट्यून्स ९६।८ को कार्यक्रम समय सन्दर्भको कार्यक्रम प्रस्तोताको रूपमा रहे । पिपुल्स टाईम्स साप्ताहिकमा काम गरे ।
छापा र रेडियो हुदैँ पछिल्लो समय टेलिभिजन प्रस्तोताको रूपमा समेत यहाँहरू समक्ष आउन पाए । सूर्योदय टिभि एण्ड मिडिया प्रालि विर्तामोडबाट नियमित प्रशारण भईरहेको सूर्योदय टेलिभिजनमा कार्यक्रम सन्दर्भ विशेष अन्तरवार्तामुलक कार्यक्रम प्रस्तोता र समाचार शाखामा जिम्मेवारी निर्वाह गरे । हव डिजिटल मिडिया प्रालिद्वार सञ्चालित न्यूज पोर्टल मेरो मेचीनगर डट कमको सम्पादकको जिम्मेवारीमा रहेर पत्रकारिता पेशालाई मर्यादितरूपमा अघि बढाउँदैँ छु । तर, झापाका थुप्रै अनलाईन छापामा समेत समाचार छापिने गरेका छन् । यद्यपि मेरो आवद्धता मेरो मेचीनगर डट कममा मात्र रहेको छ ।
पत्रकारितामा निरन्तरता रहि रहँदा नेपाल पत्रकार महासंघको सदस्य, केन्द्रीय पार्षद,प्रेस चौतारी नेपालको केन्द्रीय पार्षद, मेची बोडर जर्नलिस्ट एशोसिएसन नेपालको संस्थापक महासचिव र प्रेस क्लव मेचीनगरको अध्यक्षसम्मको जिम्मेवारी प्राप्त गर्ने अवसर मिल्यो ।
हिजोदेखि आजसम्म मलाई यहाँसम्म पुर्याउन अवसर दिनुहुने सञ्चार उद्यमी, सञ्चार संस्था, मेरो व्यवसायिक संस्था नेपाल पत्रकार महासंघ , प्रेस चौतारी नेपाल, मेरा पत्रकारिताका गुरूहरू, समय समयमा सँगसँगै बसेर कर्म गर्ने सञ्चारकर्मी साथीहरू, पाठक, श्रोता दर्शकलगायत सवैप्रति हार्दिक आभारसहित कृतज्ञता व्यक्त गर्दछु ।
मैले सञ्चारकर्ममा रहेर जिम्मेवारी वहन गर्दैगर्दा कसैलाई कुनै प्रकारको ठोस पुगेमा मैले जिम्मेवारी र कर्तव्य पुरा गरेको हो भनि बुझिदिन आग्रह गर्दछु ।
अन्तमा मैले नेपाल पत्रकार महासंघको सदस्य त्याग गरेको घोषण गरेको छु । तर, सदस्यता त्याग गरे पनि विभिन्न सञ्चारमाध्यममा मेरो निजी विचार र लेखका माध्यमबाट जोडिने प्रतिवद्धता व्यक्त गर्दछु ।
– chautaripost online
![](https://khabarpostonline.com/wp-content/uploads/2023/07/khabarad.gif)