![](https://khabarpostonline.com/wp-content/uploads/2024/06/mechi-udhyog.gif)
काठमाडौं । अमेरिकी प्रथम महिलादेखि बेलायती राजकुमारीसम्म, हलिउडदेखि बलिउडसम्म नेपालीमूलका अमेरिकी फेसन डिजाइनर प्रबल गुरुङको डिजाइनलाई संसारका चर्चित सेलिब्रिटीले पहिरिएका छन् ।
गुरुङको पहिरन पहिरिने ए–लिस्टर सेलिब्रिटीको सूचीमा लेडी गागा थपिएकी छन् । यी पपस्टार तथा हलिउड अभिनेत्रीले शनिबार राति अमेरिकाको लस भेगासस्थित रेसिडेन्सीमा आयोजित जाज–पियानोको डल्बी लाइभ समारोहमा प्रबलको पहिरन लगाएर प्रस्तुति दिएकी थिइन् ।
प्वाँख र क्रिस्टलले बनेको सिल्क लेमी गाउनमा उनी सजिएकी थिइन् । जसलाई गुरुङले इन्स्टाग्राममार्फत सेयर गरेका छन् । गत साता प्रबलको सन् २०२३ को फल कलेक्सनमा हलिउड अभिनेत्री जेसिका चेस्टेन पनि सजिएकी थिइन् । चेस्टेनले नेभी ब्लु ब्लेजर र पाइन्ट लगाएर न्युयोर्कमा हिंडिरहेकी थिइन् ।
![](https://www.onlinekhabar.com/wp-content/uploads/2023/09/Lady-Gaga2.jpg)
प्रबलको फ्यानका अर्को नयाँ खबर छ, आगामी १४ जनवरीमा प्रबलले बलिउड फिल्म निर्माता तथा निर्देशक करण जोहरसँग ‘बलिउड एण्ड बियोण्ड’ नामक छलफल सत्र चलाउँदैछन् । यसका लागि करण जोहर न्युयोर्क जाँदैछन् । onlinekhabar
![](https://khabarpostonline.com/wp-content/uploads/2023/07/khabarad.gif)