![](https://khabarpostonline.com/wp-content/uploads/2024/06/mechi-udhyog.gif)
झापा । झापामा जंगली हात्तीको आक्रमणबाट फेरि एकजनाको ज्यान गएको छ । गएराति १:४५ बजेतिर जंगली हात्तीको आक्रमणबाट शिवसताक्षी ११ सृष्टि टोल निवासी ४५ वर्षीय मेघराज राईको मृत्यु भएको हो ।
उनलाई घरमै जंगली हात्तीले आक्रमण गरेको इलाका प्रहरी कार्यालय झिलझिलेका प्रहरी निरीक्षक अनिश बुढाथोकीले बताए ।
जंगलबाट आएको एउटा हात्तीले राईको टाटीको बेरा ,जस्ताको छानो भएको भुइँतले घरमा आक्रमण गरी टाटीहरू भत्काई घरभित्र रहेका सामानहरु समेत तोडफोड गरी एक लाख पचास हजार बराबरको क्षति गरेको जिल्ला प्रहरी कार्यालयले जनाएको छ ।
उक्त हात्तीलाई छिमेकीहरू समेतको सहयोगमा धपाउने क्रममा राईलाई घरदेखि ५० मिटर पूर्व बाटोमा सोही हात्तीले आक्रमण गर्दा घटनास्थलमा नै मृत्यु भएको डीएसपी खगेन्द्रप्रसाद रिजालले बताए । कानुनी प्रकृया पुरा गरी पोस्टमार्टमको लागि शव दमक हस्पिटल दमक पठाएको उनले जानकारी दिए ।