![](https://khabarpostonline.com/wp-content/uploads/2024/06/mechi-udhyog.gif)
सिन्धुली । सिन्धुलीको मरिण गाउँपालिकाले कक्षा ११ मा पढ्दै गरेका छात्राहरुलाई शनिवार साइकल वितरण गरेको छ ।
गाउँपालिकाले वडा नम्बर ४ को माबि खयरसाल र वडा नम्बर ६ को कपिलाकोट माविमा कक्षा ११ मा पढ्दै गरेका १६० जना छात्राहरुलाई साइकल वितरण गरेको हो ।
एसइई दिएपछि बिचैमा पढाई छोड्ने छात्राहरुको पढाईलाई निरन्तरता गराउन कक्षा ११ मा भर्ना भई पढ्दै गरेकाहरुलाई साइकल वितरण गरिएको मरिण गाउँपालिकाका अध्यक्ष विमर्श मुक्तानले बताउनुभयो ।
![](https://i0.wp.com/www.newsofnepal.com/wp-content/uploads/2023/05/cycle.jpg?resize=740%2C411&ssl=1)
शनिवार एक कार्यक्रमका बिच प्रतिनिधिसभा सदस्य लेखनाथ दाहाल(राजन)ले छात्राहरुलाई साइकल वितरण गर्नुभएको हो । गाउँपालिकाले साइकल दिएपछि क्याम्पस आउन जान सहज हुने भन्दै छात्राहरु खुसी भएका छन् ।
साइकल वितरण गर्दै प्रतिनिधिसभा सदस्य लेखनाथ दाहाल(राजन)ले गाउँपालिकाले दिएको साइकलले छात्राहरुलाई उच्च शिक्षा पढ्नका लागि हौसला बढाउने बताउनुभयो । मरिण गाउँपालिकाका अध्यक्ष विमर्श मुक्तानले अब देखि प्रत्येक वर्ष कक्षा ११ मा भर्ना हुने छात्राहरुलाई साइकल वितरण गरिने बताउनुभयो ।