![](https://khabarpostonline.com/wp-content/uploads/2024/06/mechi-udhyog.gif)
झापा,
दमक नगर ईसाई समाजको आयोजनामा दमकमा जारी अन्तर ईसाई समाज मैत्रीपूर्ण फुटबलको उपाधि धरान ख्रीष्टिय समाजले जितेको छ ।
![](https://khabarpostonline.com/wp-content/uploads/2023/07/khabarad.gif)
मिक्लाजुङ इसाई समाजलाई ४ का विरुद्ध ९ गोलले पराजित गर्दै धरानले उपाधि जितेको हो । आयोजक बी ले एलाई ४ का विरुद्ध ७ गोलले पराजित गर्दै प्रतियोगितामा तेस्रो भएको छ ।
कुल १२ टिम सहभागी प्रतियोगितामा आयोजक टिम ए, आयोजक टिम बी, मिक्लाजुङ मधुमल्ला इसाई समाज, चुलाचुली इसाई समाज, बिर्तामोड इसाई समाज र धरान ख्रीष्टिय समाज दोस्रो चरणमा प्रवेश गरेका थिए ।
विभिन्न क्षेत्रमा रहेका ईसाई समाजहरूबीच प्रेम र भाइचाराको सम्बन्ध प्रगाढ बनाउने उद्देश्यले कार्यक्रम आयोजना गरिएको दमक इसाई समाजका अध्यक्ष आकाश थुलुङले जानकारी दिएका छन् ।
बिजयी धरान ख्रीष्टिय समाजले नगद २० हजारसहित मेडल, ट्रफी र सिल्ड प्राप्त गरेको छ भने दोस्रो हुने मिक्लाजुङ मधुमल्ला इसाई समाजले नगद रु १५ हजारसहित मेडल, ट्रफी र सिल्ड प्राप्त गरेको छ । तेस्रो हुने दमक इसाई समाज बीले रु ८ हजार प्राप्त गरेको छ ।
![](https://khabarpostonline.com/wp-content/uploads/2023/07/1-1-1.gif)