![](https://khabarpostonline.com/wp-content/uploads/2024/06/mechi-udhyog.gif)
मेचीनगर । झापाका एक बालकको उपचार गर्न युएईमा कार्यरत काँकरभिट्टाका युवाहरुले “काँकरभिट्टा परोपकारी हातहरूद्धारा” आर्थिक सहयोग गर्नुभएको छ । सो रकम मेचीनगर–६ काँकरभिट्टा निवासी मञ्जु घिमिरेको छोरा निकित घिमिरेलाई उपचारको लागि काँकरभिट्टाका यूवा राजेश गुरुङ्गको हातबाट हस्तान्तरण गर्नुभएको हो । गुरुङ्गले निकितको आमा मञ्जु घिमिरेलाई ९२ हजार प्रदान गर्नुभएको छ ।
काँकरभिट्टा निवासी यूवा राजेश गुरुङ्गका अनुसार मञ्जु घिमिरेले बिर्तामोडको बिएनसी अस्पतालबाट आफ्नो नानी बचाईदिन कारुणिक अपिल भिडियोमा देखेपछि मन थाम्न नसकेर काँकरभिट्टाकै बिदेशमा हुनेएक यूवा भाईलाई सो भिडियो शेयरगरि सहयोग गरौं भनेपछि युएईमा कार्यरत यूवाहरुद्धारा “काँकरभिट्टा परोपकारी हातहरूद्धारा” सो रकम तुरुन्त पठाईदिनुभयो । आज केहि थप उपचारको लागि भएपनि सहयोग गर्न पाएकोमा खुशी लागेको छ र ति नानी चाँडै निको हुन सकेको खबर सुन्न सकौं भन्नुभयो ।
बिर्तामोडको बिएनसी अस्पतालबाट मञ्जु घिमिरेले आफ्नो बच्चा बचाइदिन कारुणिक अपिल गरिरहेकी थिइ । नानीको उपचार यहाँ हुन नसक्ने भएपछि तुरुन्त काठमाडौ कान्ति बाल अस्पटलमा लानुपने छ । प्लेन खर्च र बिएनसी अस्पतालमा नै दुई लाख भन्दाबढी रकम तिर्नुपर्ने र तुरुन्तै चाहिएको छ । चाँडो सफल उपचारको लागि आर्थिक सहयोग अपिल गरेकी छिन् ।
मञ्जु घिमिरेकी मामाको अनुसार नानीलाई ज्वरो आएर निमोनिया भएर फोक्सोमा कफ जमेको रहेछ कफ पगालेर फाल्दा–फाल्दै फोक्सोको मुल नलीमा खकार जमेको त्यो निकाल्न बच्चाको मिसिन चाहिन्छ यहाँ बिएनसीमा त्यसको सम्भव छैन भनी डाक्टरले सल्लाह दिनुभएको छ । हिजै काठमाडौंको कान्ति बाल अस्पतालमा लानुपर्ने तर आर्थिक अवस्था कमजोर भएकाले लान सकिरहेका छैनौं नानीको नाजुक भइसकेकाले सबैलाई सहयोगको आशाकासाथ बिनम्र अनुरोध गर्नुभएको छ ।
![](https://khabarpostonline.com/wp-content/uploads/2023/07/khabarad.gif)