![](https://khabarpostonline.com/wp-content/uploads/2024/06/mechi-udhyog.gif)
काठमाडाैं । आईसीसी महिला टी–२० विश्व कप एसिया क्षेत्र छनोटमा नेपालले भुटानलाई तीन विकेटले हराएको छ ।
नेपालले लगातार तेस्रो जित हासिल गरेको छ । यसका साथ नेपाल समूह ‘ए’ को शीर्षस्थानमा उक्लिएको छ ।
पहिले ब्याटिङ्ग गरेको भुटानले नेपाललाई ४० रनको लक्ष्य दिएको थियो । यो लक्ष्य नेपालले १३ ओभर २ बलमा ७ विकेट गुमाउँदै भेटाएको हो ।
नेपालका कप्तान रुविना क्षेत्री १२ रनमा अविजित रहिन् । कविता जोशी ९ रनमा आउट भइन् । सीता रानामगरले ८ तथा पूजा महतोले बलमा ३ रन जोडिन् ।
भुटानका कप्तान डिन्चिन वान्ग्मोले २१ रन बनाउनुबाहेक अरु कुनै पनि खेलाडीले दोहोरो अङ्कमा रन बनाउन सकेनन् ।
नेपालका पूजा महतोले ३ तथा कविता कुँवर, खुसी डङ्गोल र कप्तान रुविना क्षेत्रीले समान एकःएक विकेट लिए ।
नेपालले अर्को खेल भोलि कतारसँग र समूह चरणको अन्तिम खेल १९ गते यूएईसँग खेल्ने तालिका रहेको छ ।