![](https://khabarpostonline.com/wp-content/uploads/2024/06/mechi-udhyog.gif)
मेचीनगर । एक दिने दिदिबहिनी आत्मिक जागृति सम्मेलन सम्पन्न भएको छ । कृपा फ्रि मेथोडिस्ट चर्च काँकरभिट्टाको दिदिबहिनी परिषद्को आयोजनामा एक दिने आत्मिक जागृति सम्मेलन भएको हो ।
कार्यक्रकमकी प्रमुख बक्ता गुरुआमा रोजी शेर्पाले तीन सेसनसम्म बाइबलीय बचनबाट बोल्नुभएकी थिइन् ।
कार्यक्रमको पहिलो सेसनमा योएलको पुस्तकबाट बोल्दै भन्नुभयो,– प्रभुको दिन नजिक आएकाले तुरही फुक्दै चेताउनीको ध्वनीहरु बजाउदै आत्मिक उपासनाको रुपमा पवित्र र परमेश्वरलाई ग्रहणयोग्य जिउदो बलिदानको अर्पण गर्नुपर्ने बताउनुभयो ।
![](https://khabarpostonline.com/wp-content/uploads/2023/09/jroji-1024x449.jpg)
आफ्नो लुगा होइन, तर आफ्नो हृदय फटाएर परमप्रभु परमेश्वरतिर फर्कनु पर्ने बताउनु भयो ।
त्यसैगरी दोस्रो सेसनमा संसारिक विधि–बिधान व्यवस्थाले जीवन दिँदैन, तर ख्रीष्ट येशूमा बिश्वास र आत्मिक नजिकताले मात्र जीवन प्राप्तगर्न सकिने बताउनुभयो । दाउद राजालाई परमेश्वरले हृदयको बिचारलाई हेर्नुभयो, नम्र र बिश्वासयोग्य देख्नुभयो र राजा अभिशेक गर्नुभयो ।
उहाँले भन्नुभयो,– “परमेश्वर आत्मा हुनुहुन्छ, आत्मा र सत्यतामा आराधना गर्ने आराधकहरुलाई खोज्दै हुनुहुन्छ ।”
कार्यक्रमको अन्तिम तेस्रो सेसनमा बक्ता शेर्पाले भन्नुभयो,–“अबको मण्डली पबित्र आत्माको बरदानले चल्नुपर्दछ, संसारीक बल र बुद्धिले होइन ।”
पञ्चदलिय सेवकाई आजको आवश्यकता भएकाले सबै मण्डलीहरुमा यो सेवकाईलाई अपनाउनु पर्ने बताउनुभयो । पञ्च दलिय सेवकाई बीना मण्डली प्यारालाइसिस हुने समेत बताउनुभयो ।
![](https://khabarpostonline.com/wp-content/uploads/2023/09/ggur13-1024x449.jpg)
कार्यक्रमलाई अझ सुन्दर र आशिषमय बनाउन दिदिबहिनीहरुद्धारा “ येशू माथि–माथि धेरै माथि बढ्नु” भन्ने गीतको बोलमा सामूहिक गीत गाएर उत्साहित तुल्याउनुभयो ।
![](https://khabarpostonline.com/wp-content/uploads/2023/09/fivi-ama-1024x449.jpg)
त्यसैगरी बृद्ध आमा फिवी मुखियाले मनोरन्जनकासाथ नारि कविता बाचन गर्नुभयो । कविताले नारि बीना सबै अधुरो हुने हुँदा नारि कति महान रहेछ भनि नारिलाई सम्मान र इज्जत गर्नुपर्ने बताउनुभयो ।
![](https://khabarpostonline.com/wp-content/uploads/2023/09/AMA3-1024x449.jpg)
आराधना संगतीलाई सुन्दर र आशिषमय साथै परमेश्वरको उपस्थितिमा लान हेमकुमार मगर र सोनीया तामाङको अगुवाइमा क्वायर टिमलाई अगुवाई गर्नुभएको थियो ।
![](https://khabarpostonline.com/wp-content/uploads/2023/09/dilu14-1-1024x449.jpg)
आत्मिक जागृति सम्मेलन दिदिबहिनी परिषद्का अध्यक्ष दिलु मुखियाको अध्यक्षतामा सम्पन्न भएको कार्यक्रममा ७ वटा कृपा फ्रि मेथोडिस्ट चर्चहरुका दिदिबहिनीहरु, रेभ.पास्टर शमूएल तामाङ, पास्टर बिजय घतानी, डिकन डिवी राना, डिकन होमराज राईलगायत अन्य अगुवाहरुको समेत उपस्थित रहेको कार्यक्रमलाई तृषा गुरुङ, दिलु मुखिया र गुरुआमा लिली तामाङले सञ्चालन गर्नु भएको थियो ।
![](https://khabarpostonline.com/wp-content/uploads/2023/09/grup35-1024x449.jpg)
![](https://khabarpostonline.com/wp-content/uploads/2023/09/AMA4-1024x449.jpg)
![](https://khabarpostonline.com/wp-content/uploads/2023/09/grup667-1024x449.jpg)
![](https://khabarpostonline.com/wp-content/uploads/2023/09/WhatsApp-Image-2023-09-18-at-17.51.39-1024x449.jpg)
![](https://khabarpostonline.com/wp-content/uploads/2023/07/khabarad.gif)