![](https://khabarpostonline.com/wp-content/uploads/2024/06/mechi-udhyog.gif)
नयाँ तृष्णा समाचारदाता,
मेचीनगर । महिलामात्र होइन भित्रभित्रै धेरै पुरुषहरु लैंगिक हिंसाको शीकार बनिरहेका छन् । आज लैंगिक हिंसा बिरुद्ध १६ दिने अभियानको समापनको एक कार्यक्रमका प्रमुख अतिथि उपप्रमुख मीना उप्रेतीले सम्बोधन गर्दै भन्नुभयो धेरै पुरुषहरु भित्रभित्रै मौनतामा आफ्नै श्रीमतीबाट हिंसाको शीकार भइरहेको छ ।
![](https://khabarpostonline.com/wp-content/uploads/2023/12/5-1024x450.jpg)
लैंगिक हिंसा बिरुद्धको यो १६ दिने अभियान कार्यक्रमलाई समापन गर्दैगर्दा हामीले बुझ्नपर्ने कुरा महिलामात्र नभएर पुरुष साथै तेस्रो लिङ्गीहरुसमेत हिंसाको पीडा भोगिरहेको छ । उपप्रमुख उप्रेतीले भन्नुभयो,–“बिगतका समयमा महिलाहरुले आफूमा भएको हिंसा उजागर गर्नु हुन्नथ्यो । मैले मेरै छोरी रेपकेसमै परेको छभने पनि म त्यसलाई बाहिर ल्याउदिन । मलाई मेरो छोरीको इज्जतको डरमात्र होइन,मेरो आफ्नो इज्जत र समाजको इज्जतको डर हुन्थ्यो र सबै कुरा उसको जीवनसंग जोडिन्थ्यो ।
तर अहिले त्यस्तो अवस्था छैन, यदि भइहाल्यो भने कानूनी उपचार गर्ने थुप्रै कटघराहरु छन् । पीडितलाई न्याय दिलाउन वा सजायको भागीदार गराउन बिभिन्न निकाय र संघ–संस्थाहरु लागिपरेका छन् ।
अहिलेको समयमा राज्य, मानव अधिकार, सरोकारवाला र थुप्रै संघ–संस्थाहरु यस बिषयमा लागिपरेकाले हिंसाका कार्यहरु उजागर भएको मलाई लाग्छ । तर बिगतका घटनाहरु पुरुषका जस्तै महिलाको घटना समाजमा आउदैनथ्यो । त्यस्तै आज पुरुषहरुको हिंसात्मक घटना धेरै छन् तर समाजमा आएको देखिदैन र पनि भित्रभित्रै हिंसाका पीडाहरु दबाएर आर्थिक, शारीरिक, मानसिक शीकार भइरहेको पाइन्छ ।
उपप्रमुख मीना उप्रेतीले भन्नुभयो,–“मलाई लाग्छ मैले पनि आफ्नो श्रीमानलाई पीडित बनाएको छु ।” आफू सार्बजजिक मान्छे भएकाले बिहानदेखि बेलुकासम्म बाहिरै हुन्छु घरको कुनै कामधन्दा गर्न, आफ्नो श्रीमानलाई सहयोग गर्न समयदिन समेत नभ्याएकाले पीडित बनाएको बताउनुहुन्छ ।
आज धेरै पुरुषहरु पनि घरबाट बाहिरिन पर्ने अवस्था देखिएको छ । त्यसको ज्वलन्त उदाहरण आफ्नै मेचीनगर नगरपालिकाको न्यायीक समिति पनि हो । हामीले न्यायीक समितिबाट पुरुषहरुलाई मानो चामल भरिदिएका छौं । महिलाहरुले आफ्नो श्रीमानलाई खान लाउन नदिएर, औषधि उपचार नगराएर,सम्पूर्ण सम्पती वा घरजग्गा आफ्नो हातमा कब्जा गरेर,माइतीको सम्पतीको तुजुकमा लैंगिक हिंसाको शीकार बनाएको घटनाहरु बिस्तारै बाहिरन थालेको पाइन्छ ।
लैंगिक हिंसा बिरुद्ध १६ दिने अभियानको समापनको एक कार्यक्रम इलाका प्रहरी कार्यालय काँकरभिट्टा र नेपाली गृह काठमाडौंको आयोजनामा साथै मेचीनगर नगरपालिका, मेची सामुदायिक सेवा केन्द्र, माइती नेपाल, साहसी महिला नेपाल, विश्व सेवा बिस्तार संस्था,आफन्त नेपाल र सानो हातहरु नेपालको सहकार्यमा भएको कार्यक्रमको भएको थियो ।
कार्यक्रम अध्यक्षता प्रहरी निरिक्षक अर्जुनकुमार पोखरेलले गर्नुभएको थियो भने प्रमुख अतिथि मेचीनगर नगरपालिकाका उपप्रमुख मीना उप्रेतीले गर्नुभएकी थिइन् ।
त्यसैगरी बिशिष्ठ अतिथिमा वडाध्यक्ष ललित बहादुर तामाङ, माइती नेपालका प्रदेश संयोजक गोबिन्द घिमिरे, नेपली गृहका कोषाध्यक्ष एलिजा रन्चाल मगर, शसस्त्र प्रहरी बल,बिभिन्न संघ संस्थाका प्रमुख प्रतिनिधिहरु र बिद्याथीहरुको उपस्थितिमा भएको कार्यक्रमको सञ्चालन गणेशमान राईले गर्नुभएको थियो ।
![](https://khabarpostonline.com/wp-content/uploads/2023/12/3-1024x450.jpg)
![](https://khabarpostonline.com/wp-content/uploads/2023/12/1-1024x450.jpg)